واشنگٹن (اے بی این نیوز)وائٹ ہاؤس کی پریس سیکریٹری کیرولین لیویٹ کا ایک انٹرویو کلپ سوشل میڈیا پر وائرل ہے جس میں انہوں نے وائٹ ہاؤس کورسپانڈنٹس ڈنر سے پہلے کہا تھا کہ آج رات گولیاں چلیں گی۔
کیرولین لیوٹ نے امریکی نشریاتی ادارے ’فاکس نیوز‘ سے گفتگو کرتے ہوئے کہا تھا کہ صدر ٹرمپ آج مقابلے کے لیے تیار ہیں اور ان کی تقریر روایتی ڈونلڈ ٹرمپ اسٹائل میں ہوگی، وہ مزاحیہ اور تفریح سے بھرپور ہوگی اور آج رات ہال میں کچھ گولیاں چلیں گی اس لیے ہر کسی کو یہ دیکھنا چاہیے۔
اگرچہ کیرولین لیویٹ کا اشارہ صدر ٹرمپ کی مخالفین پر تنقید اور دھواں دار تقریر کی طرف تھا لیکن تقریب کے دوران ہونے والے اصل حملے نے ان کے ان الفاظ کو ایک عجیب رنگ دے دیا۔
"It will be funny. It will be entertaining. There will be some shots fired tonight" the White House press secretary said in an interview before the incident. pic.twitter.com/2V0WHCPACZ
— Waseem Abbasi (@Wabbasi007) April 26, 2026
کیرولین کے الفاظ کو مختلف انداز میں دیکھا جا رہا ہے اور انکے انٹرویو کا یہ کلپ سوشل میڈیا پر تیزی سے وائرل ہو گیا۔
واضح رہے کہ اتوار کو کورسپانڈنس ڈنر کے دوران پیش آنے والے فائرنگ کے واقعے کے بعد صدر ڈونلڈ ٹرمپ سمیت اہم شخصیات کو فوری طور پر محفوظ مقام پر منتقل کیا گیا تھا۔
امریکی سیکرٹ سروس نے حملہ آور کو زندہ گرفتار کرلیا جس کے قبضے سے پستول سمیت دیگر ہتھیار برآمد ہوئے۔
مزید پڑھیں: دہلی ایئرپورٹ پر جہاز کو حادثہ،6 افراد زخمی
